قصيدة على لسان نعيمي !!!

.
نـــداء إلى الــقلوب الرحــيمة !!



التوقيع : خروف العيد
______________








تكـفى تـرى تكـفي تهـز الخواريف
......... لـولا ظـروف الذبح ماقـلت تـكـفى

جاني معـه سـكين ماهي سـواليــف
......... ماشـوف لي مخرج ولا أشوف ملفى

ذبح(ن) وصلخ(ن) ثـم قطع وتـنـتـيـف
......... مصـير مجــــهول(ن) نهـايات حـتفا

ثـم الحميسة يضـبطه ( طارق ,, ) الشـيف
......... لحمـة ظهــر وضلوع وعظـام كتـفـا

وقـلط عــلى لحمي قرابـات ومضـيف ,,,
.........حـتى أنت يــ( محمود ) 00 للناس تجفا !!

أمـس(ن) مكـرم بــس شـرب وتعـليف
......... ومن جـا لحوشي جـاه قرن(ن) ونجـفا

والله لو أدري كـان جــبت المعاريف
......... وأربـط حـزامي وأنسف البيت نسفا

حتى القهـر لاصار قصاب حريـف

وتسمع بــزارينه صـراخ(ن) وهـتفـا

هـذي نهاية قصـتي دون تزيـيـف
......... كـتـبـتهـا والـدم سايل بـنزفا


0
0



0
0

وكتبها حفيد اعقيل ,,, فجر يوم عـرفة 9/12/1428هـ
عـضو منظمة حقوق الخرفان

0
0
.
.



..

.
.
.

صــح لــســانـك يانــعــيمـي
ماقـــصــرت يــابــو عمـــر واصلً ..

أبوحسـام كتب: صــح لــســانـك يانــعــيمـي
ماقـــصــرت يــابــو عمـــر واصلً ..

ابشر هذا بدايه والقادم ازين

صح برطمك ولسانك

صح شفايشك

انا اي شي اسويه يجي الملقوف ابو عمار ويقلد

ههههه ياخي هو يجي بعدك

أقول ادعوا للخروف بالرحمه

الضاهر انه تعذب

والصراحه أول مره اشوف خروف فاضي يكتب قصيده والدم ينزف

ايه عزوز من باب المشاركه لدقق انت

ايه افا انت لا تدقق